हाथ जोड़ कहूं अम्मा मेरी
मैं हूँ बिन जन्मी नादान, इबै न मारै मने !
सै छह महीने का गर्भ तेरा
ना छिनै माँ तू नसीब मेरा
अम्मा मेरी मैं हूँ तेरी संतान !!
मैं भी तेरे आँगन खेलूंगी
तेरे दुखरे मिलके झेलूंगी
अम्मा मेरी बात मेरी तू मान !
मान मने भी धन तू अपना
पूरा करूँ तेरा हर एक सपना
अम्मा मेरी के तनै नुकसान!
बदल्या टेम सै लीक तोड़ तू
अपनी बिटिया तै प्रीत जोड़ तू
अम्मा मेरी मैं हूँ तेरी जान !!
हाथ जोड़ कहूं अम्मा मेरी
मैं हूँ बिन जन्मी नादान, इबै न मारै मने !
कोई टिप्पणी नहीं:
एक टिप्पणी भेजें